Струмичката фирма Џови Компани ќе ја работи првата фаза од водоводната инфраструктура на стамбената населба (социјалната населба) над градот Струмица каде се планирани објекти за домување на социјално загрозените семејства. Ова фирма достави најниска цена на аукцијата на која се јавија и други три фирми на распишаната јавна набавка на Општина Струмица. Џови Компани го доби тендерот за 15,4 милиони денари или околу 255 илјади евра.
Според потпишаниот договор Џови Компани треба да постави хидротехничка опрема на просторот со примарни и секунцардни цевководи и и водоводни линии, изведба на резервоар R1 – градежен дел, потоа извеба на пумпни станици „PS1“ и „PS2“ (градежен дел) како и поставување на потребната електротехничка опрема.Сите работи според Договорот треба да се реализираат во рок од 12 месеци од денов на воведување на фирмата во работа.
Првата фаза од проектот ,,Изградба на стамбена населба со објекти со намена домување за сместување на социјално загрозени семејства во Струмица го доби фирмата Жикол во конкуренција на 7 фирми. Жикол треба да изведе сообраќајна инфраструктура, потпорна конструкција, улично осветлување , фекална и атмосферска канализација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
