Со одлука на Советот на Општина Струмица надоместокот за згрижување и престој на деца во двете Детски јавни установи во Струмица ,,Детска Радост“ и „Виножито“, од први октомври поскапува. Место сегашните 1 490 денари родителите ќе плаќаат по 2000 денари месечно за дете кое ќе биде згрижено и ќе престојува во една од двете градинки кои се под капата на оптшината.
Одлуката за зголемување на надоместокот за престој во градинка во Струмица не ја подржаа опозициските советници. За нив таа е избрзана и без сеопфатна анализа и дополнителне финансики удар за родителите.
Поскапувањето на надоместокот како што беше објаснето се должи поради зголемените трошоци за храна и престој на деца во градинки. Висината на досегашниот надоместок од 1490 денари не е корегиран повеќе од една деценија. Остануваат поволностите и ослободувањата за плаќање надоместок на самохрани родители или родители од социјалне статус.
Советот го прифати работењето на градинките „Детска радост“ и „Виножито“. Беа усвоени годишните извештаи за работа за воспитната 2025/2026 година, програмите за работа за 2026/2027 година, а беше дадена и согласност на барањето за прием на поголем број на деца во градинката „Детска Радост”.(В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
