Поради градежни работи за реконструкција на поројот „Крушевска Република“, воведен е променет режим на сообраќај на потегот од кружниот тек кај ЕВН до улицата „Младинска“, информираат од Општина Струмица.
„Целосно е забрането движењето за сите моторни возила од двете страни на оваа делница, освен за граѓаните коишто живеат тука, а за кои ќе бидат создадени посебни услови за користење на нивните возила.“, стои во информацијата од Општина Струмица
Од Општината апелираат до граѓаните за разбирање и почитување на поставената времена сообраќајна сигнализација додека траат работите.Реконструкцијата треба да ја подобри функционалноста и да му даде нов изглед на овој дел од поројот „Крушевска Република“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
