Жителите на повеќе населени места во Струмичко утре, четврток (22 октомври), ќе останат без електрична енергија поради планирани зафати на електродистрибутивната мрежа, информира Електродистрибуција.
Во општина Ново Село, прекин на електричната енергија е најавен во периодот од 8 до 12 часот. Без напојување ќе бидат корисниците во и околу селата Ново Село, Смолари, Дражево, Старо Коњарево, Ново Коњарево, Самоилово, Бајково, Барбарево и Стиник.
Прекин ќе има и од трафостаницата во Босилово од 8 до 10 часот. Од таму со без струја ќе бидат корисниците во и околу селата Зубово, Мокрино, Мокриево, Колешино, Бориево, Секирник, Сушица, Турново, Иловица, Штука, Босилово, Бориево, Моноспитово, Радово, како и дел од селото Банско.
Во општина Василево, прекин е најавен од 9 до 13 часот. Тој ќе ги опфати корисниците во и околу селата Ангелци и Градошорци, како и корисниците во индустриската зона Градошорци на влезот во селото.
Планираните прекини се поради зафати на електродистрибутивната мрежа, а од Електродистрибуција посочуваат дека времетраењето на работите може да отстапува од најавените термини, во зависност од сложеноста на зафатите и условите на теренот.
Граѓаните можат да ги следат информациите за прекините преку официјалната мапа на Електродистрибуција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
