Премиерот Христијан Мицкоски заедно со министерот за здравство, Сашо Клековски денеска во Скопје ги промовираа 100-те нови возила за Итната медицинска помош во земјава. Тие набавката ја оценија како важен чекор за поквалитетна испорака на здравствените услуги кон граѓаните
„Опремата во возилата е на сосема ново ниво: напреден дефибрилатор/монитор со пејсинг, ЕКГ и ST/QT мониторинг, кислородна и респираторна опрема за возрасни, деца и новороденчиња, вентилација/климатизација, автоматска носилка и систем за намалување на вибрациите“, истакна Клековски, додавајќи дека тоа ќе значи дека третманот на пациентот почнува уште во возилото, а не дури во болница.
На промоцијата на новите амбулантни возила присустуваа и Гоце Христов директо на ЈЗУ Општа Болница Струмица и Кирил Манчев директорт на ЈЗУ Здравствен Дом Струмица.Пратеничката Ели Панова објави дека најмалку три амбуланти возила ќе завршат во Струмица
„Со тоа, нашите сограѓани и здравствените работници добиваат дополнителна поддршка, поголема сигурност и подобри услови за навремена помош кога е најпотребна.Затоа што зад секоја амбуланта стои надеж, зад секоја интервенција – човечки живот, а зад секоја добра одлука – можност да спасиме нечија иднина. Чекор по чекор, со конкретни дела, градиме посигурна иднина за сите граѓани!“, објави пратеничката Ели Панова
Во моментов, службите за итна медицинска помош располагаат со околу 140 активни возила. Од новонабавените 100 возила, 60 ќе бидат наменети за зголемување на капацитетите, додека останатите 40 ќе ги заменат старите и дотраени амбулантни возила. Со тоа, вкупниот број активни возила ќе достигне околу 200. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
