Во пресрет на Меѓународниот ден на руралната жена – 15 ти Октомври, Дрнка МК , Ви пренесува неколку приказни за хероините од руралните средини кои беа прогласени и за Жена Фармер на годината на Агросаемот во Струмица
Валентина Дукова од село Подлес Општина Градско е дипломиран економист со 35 години работно искуство. Таа лани дала отказ од работата за да се фокусира на семејниот бизнис а тоа е пчеларството. Заедно со сопругот и семејството го имаат „Пчеларник Дукови“. Имаат околу 200 пчелни семејства и произведуваат мед и пчелни производи.
Но таа се фокусира и на иновативни производи заради што се усовршува во областа на апитератпијата и апикомзетиката. Оваа година отвора “Апикомора Дукови“ со што го поврзува пчеларството со апитерапијата и руралниот туизам.
„Минатата година дадов отказ бидејки сакав да се фокусирам на семејниот бизнис. Сопругот со пчеларство се занимава веќе 18 години и сакав да дадам свој придонес во „Пчеларник Дукови“ на планината Клепа кое е најеколошкото место и место каде почнува љубовта кон пчелите и бизнисот. Таму и произлезе и идејата и за „Апикомората Дукови“ која веќе три месеци работи и тоа доста успешно“, вели Валентина која на Агросаемот во Струмица го доби признанието Жена фармер
Како што кажа Валентина во Апикомората Дукови која работи околу три месеци, веќе угостила над 300 посетители од земјава и странство. Со апи инхалацијата помогнала на голем број луѓе кои имаат здравствени проблеми. Но таа не застанува тука. Се досусовршува и го проширува својот бизнис. Фокусирана е и на апи козметика за што произведуа и одредени масти и креми.
,, Сакам да кажам дека пчеларството нуди широк дијапазон на можности, не само производство на мед. Треба само посветеност и љубов кон пчелите. Не треба да се фокусираме само на мед туку и на другите производи. Инаку може да се живее од пчеларство, само треба посветеност“, кажа Валентина
Приказната на Валентина треба да биде охрабрувачки сигнал бидејки по 35 години работни искуство собра храброст да започне ново поглавје и од љубовта кон пчелите да создаде успешен семеен бизнис и препознатлив бренд. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
