Во пресрет на Меѓународниот ден на руралната жена – 15 ти Октомври, Дрнка МК , Ви пренесува неколку приказни за хероините од руралните средини кои беа прогалсени и за Жена Фармер на годината на Агросаемот во Струмица
43 годишната Милена Ангелова од населеното место Паликура Општина Росоман не дозволува трговците и откупувачите да ќарат на нејзиниот труд и мака. Од 2016 година со семејството одлучува да ја продолжи традицијата од нејзината мајка и од градинарските култури да прави домашни преработки и да ги продава. Смета дека повеќе се заработува од готов производ отколку од суровина.
Одгледува околу 10 декари градинарски култури претежно пиперки и домати потребни за производство на ајвар, малиџано, љутеница, кечап . Бизнис во кој се вклучени сите членови на семејство. Годишно произведуваат околу 2000 тегли домашни преработки. Регистрирани се и во Агенцијата за храна и ветеринарство за продажба од куќен праг. Нејзините преработки се под брендот Везенка.
,, Со земјоделство се занимавме од 2002 а од 2016 правиме домашни преработки и продаваме. Засега е добро. Секоја година ни се зголемува бројот на купувачи. Кога се работи со љубов не е тешко. Ние сами се произведуваме, од семка до готов производ. Огледуваме расад па го садиме на нива. Таму го одгледуваме и произведуваме суровини пиперки и домати. Потоа од суровините правиме готов производ – ајвар, малиџано, љутеница, кечап. Се е рачно, рачно ги печеме, љупиме само машински ги мелиме. Дури и рачно ги полниме теглите“, објаснува Милена Ангелова
Таа вели дека побарувачката за нејзините производи е доста големa. Најголем проблем е немањето работна рака за да ги зголеми количините со ајвар, малиџано, лутеница, кечап. Паралелно како семејство почнаа и со одгледување кајсии и праски но и рачно производство на компот и џемови од праски и кајсии.
Милена Ангелова од Паликура беше прогласена за жена фармер на Агросаемот во Струмица што го организираше Здружението Проагрофармери. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
