Младата струмичанк Ана Цамбулева во петок на 30 ти октомври ќе настапи на новото издание на Макефест во Штип. Ќе биде под реден број 10. Ќе ја пее песната ,,Собери сила“ на Александар Масевски. Песна која на прва се мисли за потребата од сила по разделбата со членовите од бендот ,,Ана и девојките“. Еве што кажа таа во кусо интервју за Дрнка МК
Дрнка.МК: На престојниот Макфест ќе излезеш со нов сингл „Собери сила“, може ли да ни објасниш како дојде до идеја и кој се стои зад оваа песна
Ана: Искрено, Макфест ми беше од секогаш неостварена желба и мислев дека никогаш нема да успеам да стигнам до таа сцена. Меѓутоа судбината си крои свои патишта без разлика на нашите планови, па така и ни ги спои патиштата со продуцентот Александар Масевски да конкурираме на конкурсот за Макфест 2026 па и да влеземе во прва вечер.
Дрнка.МК: Дали песната „Собери сила“ ја отсликува Ана Цамублева после разеделувањето со членовите од „Ана и девојките“
Ана: Песната не е лично пишана од мене, така да не можам да кажам дека ме отсликува лично мене, меѓутоа години и години читајќи романи научив да се сочувствувам со зборовите па така и полесно би била за изведување истата. Во самата песна нема ниту едно чувство од тоа што го чувствувам при разделби, бидејќи меѓу нас остана пријателство, почит и љубов една кон друга.
Дрнка.МК: Со кого сега Ана работи на музички план
Ана: Ана собра сила и ја преброди разделбата со колешките хахах. Како што и пишав претходно, ние сме во сосема добри односи, едноставно патиштата ни се разделија да се која од нас оди по сопствен пат на успех. Сега соработувам со најпрекрасните дечки-музичари Горан Тонев, Александар Николовски, Димитар Арапов и екипата од Хаштаг бенд Јоце Тодосиев, Кире Стојанов и Александар Стојанов.
Дрнка:МК Што песна е – балада или и која е пораката на истата
Ана: Песната е балада со брз ритам? Не можам да дефинирам. Текстот е носталгичен, копнежен, надежен. Има еден стих што посебно ми се допаѓа, вели: Не постои грешка без шанса за прошка?
Фото Кончалиев Арт Студио
Ана како членка на „Ана и девојките“ беше дел од поткастот „Гласот на младите“ на Дрнка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
