Граѓани на Дабиле – Општина Струмица, организирани преку здружението ,,Мое Дабиле“ а со поддршка дијаспората, месното заедница и институциите сами го реконструрираа и уредија главниот парк што се наоѓа сред село. Ги затекнавме како работат на оградување на паркот во кое има патеки, летниковец и подготвени земјени леи за засадување трева, цвеќиња и декоративни дрвца. Сето тоа го направиле сами со работни акции од граѓаните членови на „Мое Дабиле“
,, Од мај годинава работиме на паркот кој беше запуштен и во лоша состојба. На иницијатива на дијаспората односно нашите иселеници, во февруари формиравме здружение кое е носител на работите. Прво го подигнавме летниковецот. Во мај се реши атмосферската канализација а беше поставена на инсталација на електрична и водоводна за рапрскување на оваа површина.“, кажа Горан Крумов еден од претседателите на „Мое Дабиле“.
Во неделата ги затекнавме како ја поставуваа оградата на вече однапред бетонираните основи. Беа вклучени и 20 тина граѓани кои работеа на рамнење на површината за засадување на трева и дрвца во паркот кој ќе иам околу 550 квадратни метри кој претходно доби и пешачка патека. Околу паркот има и тротоар од околу 250 квадратни метри кој исто така го работеа преку работна акција.
“Ова што го правиме е за добро на целата заедница“, кажа Крумов кој подвлече дека во здружението веќе има над 400 членови.
Целта на „Мое Дабиле“ е да иницираат вклучување на граѓаните во работни акци кои носат обнова и решавање на проблеми што ги мачат во своето село секако со помош на институциите. Како што кажа Крумов не е само физичката сила и работната рака со помош се јавиле и граѓани со вклучување на механизација . Крумов вели дека на овој начин се покажува љубовта кон селото, општината, државата
,, Многу работи зависат од нас и мора да бидеме почеток на промените. Не е поентата само да се чека од институциите. Треба и граѓаните да се вклучат во онаа што значи наша заедница. Само на тој начин покажуваме колку си го сакаме местото каде што живееме. Овој парк ќе биде на сите нас“, кажа Крумов
Паркот кој е дело на граѓанска иницијатива и дотеран преку работни акции треба да биде и осветлен. Во реализацијата на проектот, членовите на „Мое Дабиле“ поддршка добија и од ЈП Комуналец и од Општина Струмица. ( В.Трајков/фото Дрнка )
НИЗ ФОТОГРАФИИ КАКО ИЗГЛЕДАШЕ РЕКОНСТРУКЦИЈАТА И УРЕДУВАЊЕ НА ПАРКОТ ВО ДАБИЛЕ (ФОТО Г.КРУМОВ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
