Младинскиот состав на “Брера Струмица“ беше доминантна во двомечот со андорскиот тим „Санта Колома“ но сега фокусот е насочен кон германскиот Хофенхајм. Првиот меч ќе се игра на стадионот Благој Истатов во Струмица на 28 октомври и тоа ќе биде добра можност за да се виде на дело квалитетот на македонскиот младински шампион од минатата сезона.
Стратегот Стојчев смета дека ова е добра можност да се докажат младите на Брера и на европска сцена и да го изненадат германски Хофенхајм секако со поддршка на публиката.
,, Оваа екипа минатата сезона заврши без пораз во младинската лига. Сега играат речиси сите во првиот тим во Втората лига. Играме на два фронта на домашна и европска сцена и ова е убава можност, момците да се докажат. Го анализиравме противникот. Имаат квалитетен состав но наше е да се надигруваме и се бориме за позитивен резултат. Може да го изненадиме Хофенхајм и да ја израдуваме струмичката публика“, ни изјави стратегот Ѓорѓи Стојчев
За потсетување Брера против андорскиот состав во двата меча славеше победа. прво на гости со 3:0 а на свој терен со 8:0.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
