По повод Меѓународниот ден на руралната жена – 15 ти Октомври, Дрнка МК , Ви пренесува неколку приказни за хероините од руралните средини кои беа прогласени и за Жена Фармер на годината на Агросаемот во Струмица
Лиљана Шишкова од Долни Дисан Неготинско повеќе од десет години активно се занимава со пчеларство. Таа со сопругот имаат околу 80 пчелни семејства и произведуваат мед и пчелни производи. Преку ИПАРД програмата во осовременува и модернизира своето производство. Но нејзин фокус се иновативните производи. Последниот „Медоџун“ освои прво место на натпреварот во Струмица а прават и мед со јаткасти произоводи.
,, Секој што сака, може да успее. Годишно со сопругот произведуваме околу половина тон мед и немаме проблем со продажбата. Регистрирани сме за продажба од куќен прак. Најголем проблем се климатските промени и намалувањето на приносите со мед како што е оваа година и затоа треба редовно да се платат субвенциите“, вели Шишкова
Во 2026 година, заедно со својот сопруг, по повод Денот на пчелата, била и организатор на„МЕДЕН ЧЕКОР“, настан посветен на пчелите, природата и планината, кој собра околу 300 пчелари, планинари и љубители на природата. Со ваквите активности таа придонесува кон подигнување на свеста за значењето на пчелите, зачувувањето на природата и развојот на пчеларството.
Шишкова од Пчеларник Шишкови од здружението Проагрофармери од Струмица е прогласена за жена фармер на годината. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
