Во организација на Nomads camping club од Струмица на 11 и 12 октомври ќе има есенска камп средба на планината Беласица. Средбата ќе биде на местото познато како ,,Воденицата на дедо Тодор“ во подножјето на Беласица каде се планира да има музика во живо со бенд, камп оган, добра храна, песна, дружење и многу забава под есенско небо.
“ На 11 октомври заеднички ќе се упатиме до воденицата на дедо Тодор каде ќе се кампува. Ќе готвиме заедно, ќе се дружиме, ќе играме игри, ќе уживаме во природата и како што доликува на една Nomads средба — ќе поминеме време без брзање. Во вечерните часови ќе има музика во живо со бенд, камп-оган, добра храна, песна и дружење под есенското небо. Следниот ден на 12 ти октомври по заедничкиот доручек и кафе ќе има кратка прошетка до браната на Борисово, уживање во природата и заедничка фотографија“, стои во објвата на клубот
Котизацијата за овој настан изнесува 700 денари и секој што сака да биде дел од оваа авантура со себе треба да понесе шатор и соодветна опрема. Организаторите обезбедуваат локација, два оброка маица и пакет од настанот. Жиро сметка: 210077097300193 НЛБ банка. Лице за контакт: Јосиф Стојков 072/541-116
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
