„Секој бизнис почнал со некоја идеја и почетокот никогаш не е бил лесен. Треба труд упорност но и храброст да се проба“. Според информацијата од ПР службата на општината, вака им порачал градоначалникот на Струмица Петар Јанков на младите струмичани кои ќе добијат грантови до 10 илјади евра за отворање свој бизнис и самовработување а се дел од обуката што се одржува во Младинскиот центар.
Како што соопштија од општината, Јанков споделил и лично искуство од периодот кога и самиот имал желба да започне сопствен бизнис, посочувајќи дека во минатото младите имале значително помалку можности за обуки, поддршка при изработка на бизнис планови и финансиска поддршка.
„Вие сега имате многу олеснет пат до вашиот сопствен бизнис и тоа треба правилно да го искористите. Почетокот никогаш не е лесен. Потребни се труд, упорност и храброст да се проба. Но, секој успешен бизнис некогаш започнал со една идеја и со некој што решил да ѝ даде шанса“, им порачал градоначалникот на присутните млади, стои информацијата на Општина Струмица
Инаку во Струмица се реализира „Програма за самовработување“ – Тренинг програма за претприемништво и развој на бизнис вештини, наменета за поддршка на лицата кои имаат претприемачки идеи и сакаат да ги развијат во сопствен бизнис. Обуката според општинските власти ја следат повеќе од 80 млади лица .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
