Стартува Струмица Опен Фест 2022, ќе има култура и забава, спорт и рекреација и музички концерти

1051

Со концерт на стари македонски евергрини и шлагери во изведба Љубомир Митровски, Денис Кирчанов, Боби Ѓошиќ, Игор и Даме во малиот градски парк во Струмица утре 25 јули  стартува годинашново издание на Струмица Опен Фестивал 2022 кој ќе трае до 19 август. Во наредните три недели ќе се реализираат вкупно 20 тина настани на отворено кои ќе бидат поделени во три програмски целини.

Престојната недела освен концертот на македонски шлагери  ќе има и филмските проекции на добитниците на Оскари и меѓународни награди – македонските играни филмови „Налепница“, „Баскет“, „Стела“ и „Сестри“. Со стиховите афоризми исполнети со сатира и смеа со Ацо Ѓоргиев и Ристо Филчевски Струмица, Јане Атанасов, Ружа Стојмилова и Ленче Стојменова од Кочани, како и Марија Ранѓеловиќ Белград, Р.Србија. Стихови на поезија за душа со Вања Изова Велева Струмица и Стефан Марковски од Гевгелија. И во ритамот на традицијата – Концерт на фолклорна низа за сите љубители на танцот, македонската традиција и култура.

Втората недела од  Струмица Опен Фестивал 2022 ќе биде резервиран за спортските настани. Ќе има  Balans Bike, Вело тура, ќе има натпревари во шах, board games, Street basket  а и ова година ќе има  вежби  во парк со Лени но ќе има и рекреативни ноќните патеки до Цареви Кули.

Третата недела ќе бидат музичките концерти . Ќе има конерт летната школа за гитара под менторство на Васко Пиличев. Според програмата во деновите од третата недела од Струмица опен Фест ќе настапат и  AIR STRINGS, Мак фест ѕвездите низ времето , струмичките YU FOR YOU, Игор Џамбазов и Гуру харе, концерт во спомен на најголемата музичка ѕвезда Гоце Арнаудов  . Коста Хаџикојчев Влатко Лозаноски.

,,Струмица Опен Фестивал има многу ѕвезди во својата приказна, има многу музика за слушање, култура за негување и забава за доживување,, соопштуваат организаторот на фестивалот здружението Културен забавен живот

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.