„СФЕСТ не е само уште еден музички фестивал. Тоа е идеја, визија и проект во кој вложуваме огромна енергија, ентузијазам и посветеност“. Така кажа Елена Запрова член на организациониот одбор на СФЕСТ кој оваа година ќе се одржи од 24 до 26 јули во градскиот парк. На трите фестивалски сцени ќе има повеќе од 30 музички изведувачи но и бесплатен влез за сите посетители.
„Со особена чест денес ја споделуваме и најважната вест – Општина Струмица официјално го препозна СФЕСТ како значајно летно културно случување во градот и стана главен покровител на фестивалот.Токму затоа, заеднички донесовме одлука годинава влезот на фестивалот да биде целосно бесплатен за сите посетители“, обзнани Елена Зaпрова
Фестивалот ќе се одвива на три различни сцени, со внимателно креирана програма за различни музички вкусови и генерации кажа Димитар Чорески
“На главната сцена – Main Stage – ќе настапат едни од најпознатите домашни музички имиња: Нокаут, кои оваа година одбележуваат 30 години постоење, Дупер, Агеа, Суперхикс, Daktili, Дивизија, You2You, како и Duka & Пријателите, и уште многу други. Посебно сме горди што дел од програмата ќе биде и концертот на учениците од Општинско основно музичко училиште „Боро Џони“, на кои им даваме можност својот талент да го претстават пред фестивалската публика“, кажа Чорески
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
