Почина Димитар Георгиев – Шеки човекот кој се сметаше за најголем струмички фудбалски талент и стрелец на многу атрактивни голови во дресот на Беласица но и Тиверија.
За Беласица – струмичките сино бели, има одиграно 235 лигашки натпревари и постигнато 50 голови, со што е во топ 10 фудбалери и во двете категории. За Беласица има играно во 10 сезони. Дебитира за Беласица во ноември 1971 година против Балкан од Скопје и уште во првата сезона доаѓа до израз неговата генијалност и го бараат Пелистер и Куманово.
Од Беласица игра и за Тетекс а во летото 1985 година преминува во Тиверија. Во следните 4 сезони игра за Тиверија, во 91 натпревар, постигнува 25 голови. Пролетта 1990 година се враќа во Беласица и игра 4 натпревари во Третата југословенска лига – исток, а последниот меч за Беласица го игра во април 1990 г., против Тетекс.
Во сезоната 1992/93 е најдобар играч и стрелец на Тиверија во Третата македонска лига – исток и ќе помогне Тиверија да влезе во Втората лига – исток. Есента 1993 г. е неговата последна полусезона, игра на 5 натпревари, а последниот меч го игра против Брегалница Штип.
Шеки во својата кариера настапуваше и за Пролетер, Вардарски и Ударник.
Тој пред извесен период од ФК Беласица доби плакета и врамен дрес со неговото име и натпис дека има оидграно 235 натпревари………………
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
