Управата на третолигашот Тиверија си поднесе оставка. Оставката доаѓа откако клубот доби исклучување од натпреварувањето во Третата лига по двете нереализирани гостувања од страна на првиот тим. Во соопштението наведуват дека се отвора простор за нови луѓе кои имаат визија план и капацитет да ја обезбедат иднината на Тиверија да дојдат и ќе им биде предадено раководењето со клубот кој пред две години одбележа 100 години постоење.
“Како управа свесни сме дека ја носиме одговорноста за начинот на кој клубот беше организиран и функционираше. Не бараме оправдувања, ниту сакаме да вперуваме прст кон поединци. Сметаме дека најчесно е одговорнаста да ја преземеме на себе и поднесуваме оставка, оставајќи простор за нови луѓе, нова енергија и подобра организација.
Нашата цел никогаш не била личен интерес, туку опстојување и напредок на клубот. Затоа упатуваме искрен повик до сите кои ја сакаат Тиверија и се подготвени да ја понесат таа одговорност, отворени сме за преземање на клубот од страна на нови луѓе кои ќе имаат јасна визија, план и капацитет да ја обезбедат иднината на клубот.
Особено сакаме да нагласиме дека ФК Тиверија нема долгови! Средства на клубската сметка има, и преостанатите средства заедно со целосен извештај за потрошените средства до сега, ќе бидат вратени во општинскиот буџет. За појаснување на јавноста, од 01.01.2026 до 11.09.2026 од страна на општина Струмица има исплатено 464.028 денари, односно во целост е испочитуван договорот потпишан по јавниот повик.
ФК Тиверија изминатите години секоја сезона се „мачеше’’ и финансиски и организациски. Но, сега со формирањето на општинската лига, се соочивме со проблем и со селектирање на фудбалери.
ФК Тиверија заслужува шанса да продолжи да и да се реорганизира. Повик до сите загрижени граѓани, секој кој сака и има начин како да помогне, вратите на клубот се отворени за секого!
Секој кој ќе се нафати и смета дека ние како поранешна управа ќе можеме да придонесеме во било кој сегмент во клубот стоиме на располагање. Затоа што на крајот, функциите поминуваат, управи се менуваат, но клубот мора да остане.“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
