Пред отпочнување на мечот Брера Струмица и Беласица, раководството на струмичките сино бели предовден од Славчо Васков на Димитар Георгиев – Шеки и Благој Митев им додели плакети и врамен дрес а подароци добија и од ФК АП Брера Струмица кој беше домаќин на првото градско дерби оваа сезона на двата клуба.
Димитар Георгиев – Шеки, генијалец на теренот, сметан за најголем струмички талент, стрелец на многу атрактивни голови. За Беласица има одиграно 235 лигашки натпревари и постигнато 50 голови, со што е во топ 10 и во двете категории. За Беласица има играно во 10 сезони.
Благој Митев е фудбалска и тренерска легенда на струмичкиот и македонскиот фудбал. Во 9-те сезони во Беласица игра на 186 првенствени натпревари и постигнува 8 голови. По бројот на настапи е во 25-те играчи со најмногу настапи во историјата на Беласица. Благој Митев како тренер поминува 36 сезони од кои 13 сезони како дел од стручниот штаб на Беласица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
