Полека финишираат работите околу реконструкцијата и уредувањето на паркот во центарот на Струмичко Дабиле. Паркот кој беше запуштен сега го добива својот финален урбан лик. Денеска и покрај врнежливото време, граѓаните од оваа населено место – членови на здружението „Мое Дабиле„ го поставија осветлувањето. Ги бетонираа постамените, ги монтираа канделабирте и го поврзаа со уличното. Вечера паркот блеска…..
Паркот како што веќе Дрнка МК информираше членовите на „Мое Дабиле“ недоамна ја поставија оградата на паркот каде претходно беше подигнат летниковец. Станува збор за површина од околу 550 квадратни метри која дополнително ќе хортикултурно ќе се уредува.
Во паркот има водоводна и атмосферска канализација но и пешачки патеки . Околу паркот има и тротоар од околу 250 квадратни метри кој исто така го работеа граѓаните преку работна акција.
Освен повозрасните во акцијата се вклучија и помладите. Изминативе денови тие во слободното време ја порамнуваа насипаната површина со земја каде дополнително ќе биде засадена тревата но и дрвца.
„Една од целите на Здружението е токму таа, со нашиот ангажман да им покажеме на младите дека со љубов и желба може нашето место да го направиме подобро. Затоа оваа акција со најмладите ни е прв чекор кон остварување на оваа цел, дека и тие здружени и сплотени може да направат позитивни промени во општеството и средината. Веруваме дека кога и младите ќе учествуваат во изградба и уредување на јавни простори, ќе покажат поголема свест и љубов кон истите и ќе ги чуват наместо да ги уништуваат јавните простори.“ ни изјави Горан Крумов од Здружението Мое Дабиле
Граѓани на Дабиле – Општина Струмица во феврурари година се организираа во здружение ,,Мое Дабиле“ а со поддршка дијаспората, месното заедница и институциите ја отпочнаа постаката сами да го реконструрираа и уредуваат главниот парк што се наоѓа сред село и носи спомени на голем број граѓани од оваа населено место.
В.Трајков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
