„Струмица станува место каде што џезот ги поврзува точките и ја враќа енергијата на урбаното живеење во градот кој сите го сакаме“. Така кажа Трајче Бјадов кој заедно со Томе Марангозов и Никола Маџиров се дел од иницијаторите за реализациjа на Џез фестивал во Струмица кој има за цел и да го потикне творештвото на џез музика. Случувањата ќе бидат во Националната установа Антон Панов каде љубителите на џезот може да уживаат во програмата што е предвидена од 4 до 7 јуни. На прес конференцијата Трајче Бјадов кажа дека програмската и идејната концепција на фестивалот почнала од поетот Никола Маџиров по што се надоврзал и други лица бидејки Струмица заслужува ваков тип на фестивал
„Замислата за еден сериозен и современ џез фестивал во градот, е родена од долгите и возбудливи разговори меѓу двајцата иницијатори, полни ентузијазам и желба да се збогати културната понуда во нашата средина, и истовремено да се даде почит на генерациите пред нас, коишто се вградиле во културниот идентитет на градот. Разговорите што ги спомнав, а на дел од кои можев и лично да посведочам, беа меѓу иницијаторите Томе Марангозов и Никола Маџиров, луѓе кои лесно и брзо се најдоа на иста бранова должина, по што го добивме овој фестивал, со кој сите, не само струмичани, ќе се гордееме, зашто знам дека ова е производ со кој може да се пофалат само средини со долго и богато искуство во организирање вакви настани. Грижата еден таков префинет музички израз да стане дел од секојдневието на Струмица, ја презеде Томе Марангозов. “, потенцираше Бјадов
За реализација на JAZZ STReam Festival во Струмица се предвидени околу 450 илјади денари од Буџетот на општината од две ставки. Во реализацијата помага и НУЦК Антон Панов Струмица како и „Крафт бар Вторник“, „Рекорд паб“, „Пијана вишна“, „Кафетерија Мала сцена“ , „Мир бистро“ каде ќе се реализираат останатите активнсоти од тн офф програма
Отворање на првото издание на JAZZ STReam Festival е со голем концерт на Националниот Џез Оркестар под диригентската палка на маестро Џијан Емин,на 4-ти јуни, четврток, во 20:00 часот, во Големата сала на Центарот на култура „Антон Панов“ во Струмица. Сите концерти на останатите три вечери од 5-ти до 7 јуни ќе се одржат на Камерната сцена во Центарот на култура Антон Панов“. На овие вечери ќе настапат Гоце Стевковски Квинтет (5-ти јуни); Тони Китановски Трио (5-ти јуни); Алиќ, Гошиќ, Ангелов & Јаневски Квартет (6-ти јуни); TRANSVERSE (6-ти јуни); Летечки Пекинезери (7-ми јуни); Hot Jazz Orchestra + Пијан Славеј (7-ми јуни).
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
