Во организација на ЗПСК „Маратон“, Струмица и со поддршка на општина Василево, по петнаесетти пат се одржа традиционалниот планинарски марш „По патеките на Мис Стон“. Со масовно учество на планинари од повеќе плнинарски друштва од соседните општини и регионот, како и на членовите на мото клубот Готен од Радовиш, се оживеа споменот за настанот со американската мисионерка Мис Стон која во далечната 1902 година, придружувана од локалниот војвода Атанас Нивичански-Брадата, по истата патека била пренесена од Малешевијата до с. Градашорци и Струмица, каде биле разменета за одредена сума пари наменети за купување оружје за целите на Револуцијата.
Маршутата по која се движеа планинарите е брана Турија – Јурукова колиба – Павлова ливада – Железен дол с. Нивичино, каде од страна на организаторот беше организиран заеднички ручек а на учесниците им беа доделени благодарбници и признанија за нивното уичество во настанот кој е вечен потсетник на историското минато.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
