Директорот на ЈПКД „Турија“ – Василево Даниел Иванов е во работна посета на Прага, Република Чешка каде што се информира за практиките и чешките искуства во унапредување на комуналните услуги и моделите за поефикасно управување со отпадот. Станува збор за посета под покровителство и во организација на EUROPEUM – Институтот за европска политика која има за цел да се зајакне соработката но и примена на одредени модели на управување со животната средина со земјите членки на ЕУ.
Иванов во рамките на посетата се сретна со преставници на чешкото Министерство за животна средина. Со Клара Ваидова се разговарало за можноста, билатералната соработка на Македонија и Чешка да се сведе и на локално ниво а со Властислав Котрч се разговарало за примената на циркуларна економија при управувањето со отпадот. Иванов имал средба и со преставникот од Државниот фонд за животна средина Јаромир Манхарт со кого е разговарано за можностите и моделите за финансирање на управувањето со отпад а со Кристина Кропачова за мерките кои се применуваат за зашитата на водите
“Како директор на ЈПКД „Турија“ – Василево, мојата цел е овие искуства да ги поврземе со потребите на нашата општина. Работиме на воспоставување контакти и разгледување можности за идна соработка, размена на стручни знаења и подготовка на проекти за подобро водоснабдување и управување со отпадот. Вредноста на ваквите посети е во можноста стекнатото знаење да го преточиме во подобри услуги за нашите граѓани“, објави Иванов
Со воспоставените контакти се отвора можности за идна соработка, размена на стручни знаења и подготовка на проекти за подобрување на водоснабдувањето и управувањето со отпадот со цел испорака на поквалитетни комунални услуги за жителите на општина Василево.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
