Кошаркарите на Струмица славеа против актуелниот шампион на Македонија и македонски преставник во европсктие натпреварувања МЗТ Скопје. Во спортската сала Парк на свој терен забележаа победа со 87:79
Струмичани беа рамноправен противник во текот на целиот меч. По првото полувреме имаа водство од 3 поени (47:44). МЗТ Скопје се обидуваше во второто полувреме да направи резултатски пресврт но не им одеше од рака на избраниците на Васко Атанасов. Кошаркарите на Златко Зетов имаа контрола и на играта и на резултатот и славеа со +8 (87:79)
Ајдуците и на овој меч беа поддршка на струмичани кои ја забележаа втората победа во првенството и покажаа дека нема да бидат лесен залак за противничките тимови. МЗТ во Струмица го претрпе првиот пораз
Најдобар поединец кај Струмица беше Малик Џејкоб со 29 поени, а зад него беше Кем Крафорд со 21. На спротивната страна кај МЗТ ветеранот Војдан Стојановски имаше 17 поени, три скока и четири асистенции.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
