Заради се позачестените пожари на тероиторијата на Југоистокот во кои горат нискостеблеста шума, депонии, стрништа, СВР Струмица упати апел до граѓаните да не палат огнови од кои се предзвикуваат штети по имотите. Потсетуваат дека предизвикувањето на пожар, намерно или од невнимание претставува кривично дело, кое се санкционира со соодветни поднесоци.
,, Се наоѓаме во период од годината кога земјоделците ги припремаат своите земјоделски површини за сеидба, при што палат стрништа, меѓи, плевел и други отпадоци. Во минатото бевме сведоци на многу појави кога ваквото неконтролирано палење беше причина за настанување на пожари, со кои се предизвикуваа штети на имотот на граѓаните. Токму поради наведеното Секторот за внатрешни работи Струмица апелира до сите граѓани :
– да не се пали оган на отворен простор и на необезбедени места;
– да не се палат стрништа, земјоделски и други површини;
– да не се врши палење на отпад или друг горлив материјал;
– да не се фрлаат отпушоци од цигари и догорчиња
Изминативе денови во струмичкиот регион беа регистрирани 6 пожари во кои изгореа околу 10 тина хектари нискостеблеста шума, површини со сува трева но и млади борови садници.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
