Општинската организација на СДСМ Струмица ја одржа својата Изборна конференција на која беше потврден новиот мандат на претседателот на ОО СДСМ Струмица д-р Лазо Манев. Како што информираа од СДСМ на конференцијата присустувал и лидерот на партијата д-р Венко Филипче, кој пред присутните делегати и членови ги истакнaл клучните насоки за понатамошното делување на партијата, реорганизацијата на терен и борбата за подобри услови и подобар животен стандард на сите граѓани.
Д-р Манев во својство на прв човек нa струмичките социјалдемократи, упати благодарност за искажаната доверба од членството и нагласи дека СДСМ Струмица продолжува да биде главен двигател на позитивните промени, отворена за граѓаните и посветена на нивните потреби.
Покрај потврдувањето на мандатот на претседателот, делегатите ги избраа и новите состави на Извршниот одбор и Надзорниот одбор на ОО СДСМ Струмица.
„Новиот тим е составен од исклучителни поединци, соодветно застапени со млади и искусни кадри кои носи со себе нова енергија, професионализам и решителност. ОО СДСМ Струмица продолжува уште поинтензивно со работа на терен, во постојана комуникација со граѓаните, градејќи политики кои значат напредок, развој и подобра иднина за Струмица“, соопштијa од партијата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
