Скопјанец од затвор со помош на пријателка измамил струмички угостители правејки резервации за гости

Полициски службеници на СВР Струмица расчистија неколку кривични дела „измама“ извршени на подрачјето регионот при што е утврдено дека сторител е Б.А. од Скопје, кој е на издржување казна затвор во Идризово. Тој измамил управител на угостителки објект во Струмица.  Телефонски се преставил како преставник на правно лице и направил резервација за повеќе гости. Притоа побарал угостителот да даде 29 илјади денари кои ќе му бидат вратено кога ќе дошол во Струмица

Во консултација со јавен обвинител, по преземени мерки и активности, побараните пари се испратени на претходно посочената локација во Скопје кај Л.Л. од Скопје, по што во соработка со полициски службеници од СВР Скопје, таа е лишена од слобода.

Во меѓувреме Л.Л. на ист начин добила дополнителни 27.000 , од друг угостителски објект од Струмица, чиј сопственик нешто подоцна ја пријавил измамата.

Таа во разговор со полициски службеници појаснила дека во договор со Б.А. во повеќе наврати земала пари. Истиот ден бил направен и обид за измама и во уште еден угостителски објект од Струмица. Против измамниците ќе биде поднесена кривична пријава по член 247 од Кривичниот законик.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.