Општина Струмица во соработка со Факултетот за физичко образвоание спорт и здравје ја отпочна имелементацијата на проектот МАКФИТ кој ќе го следи физичкиот фитнес, правилниот развој и спортскиот потенцијал на децата и младите. Станува збор за проект кој ќе овозможи контуинирано следење и тестирања на физичките предиспозиции кај учениците со цел да се откријат еветнуалните аномалиите за да се превенира но и да се насочат децата кон правилен раст и развој.
Во таа насока, денеска во просториите на СОУ „Јане Сандански“ се одржа работна средба на која присуствуваа деканот на факултетот, проф. д-р Влатко Неделковски, претставникот на Општина Струмица, Ристе Ристов, како и наставници по физичко образование од основните и средните училишта. На средбата, на која учествуваа повеќе од 20 наставници, беа презентирани проектот, методологијата и активностите за негово спроведување.
Првата фаза од мерењата започнува во четврток, 12 ноември 2026 година, и ќе ги опфати сите ученици од второ до петто одделение во основните училишта на територијата на Општина Струмица.
Преку стандардизирани мерења и тестирања ќе се следат телесниот развој, мускулниот, моторичкиот и кардиореспираторниот фитнес, нутритивниот статус, како и други показатели значајни за физичкиот развој на децата.
Тестирањата ќе ги спроведува стручен тим од професори и студенти на факултетот, во соработка со наставниците по физичко образование. Секој ученик и неговиот родител ќе добијат индивидуален фитнес-картон и извештај со резултатите од мерењата, што ќе овозможи следење на развојот и навремено информирање за потребите од дополнителна стручна поддршка.
Покрај следењето на физичкиот фитнес и здравствениот статус, проектот создава можности и за рано препознавање на физичките и моторичките предиспозиции и спортскиот потенцијал кај децата.Проектот е предвидено да се реализира во период од четири години, со цел воспоставување континуиран систем за следење на физичкиот развој на најмладите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
