Учениците од VII г со одделенскиот раководител Маја Годева и тим наставници, стручните соработници и родители денес ја имаа завршната активност од повеќемесечната работа по предметот Општествено –хуманитарна работа . „Зелена заедница – наша одговорност“ имаше за цел активно вклучување на учениците во раззеленување и уредување на јавни површини – парк .Целта беше да се развие еколошка свест и одговорен однос кон животната средина кај учениците преку практично и активно учество во активности за раззеленување и уредување на јавни површини во локалната заедница.
Преку тимска работа беа обоени гуми, декориран просторот и засадени цвеќиња во паркот , како и извршено чистење и кроење на зелени површини.
Учеството на тимот во ваквите активности допринесе за подигање на свест за чиста и здрава животна средина, развивање позитивни вредности кај учениците, поттикнување на работни навики, одговорност, тимска работа и грижа за заедницата.
Тимот со голема посветеност покажа дека со заеднички труд може да се создаде поубава и почиста средина за сите. Со разубавување на просторот каде голем дел од граѓаните од сите генерации го користат за прошетка и одмор се создаде попријатна и поубава средина за дружење и одмор. Учениците се мотивираа активно да придонесуваат за заедницата и да бидат пример за одговорно однесување.
Им благодариме на сите ученици, родители, наставници и стручни соработници кои активно се вклучија и придонесоа за успешна реализација на оваа активност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
