13 парцели за домување и уште толку со индустриска намена ќе продава општина Струмица по пат на електронско јавно наддавање идниот месец. Станува збор за градежни неизградени парцели во Блок 41/1 Балабаница која се наоѓа на влезот во Струмица и е наменета за подигање на станбени куќи а оние за индустриска намена се за лесна и незагадувачка индустрија во Блок 10 во Струмица и Муртино
Парцелите за домување се со површина од 382 до 734 квадратни метри. Сите се со различен процент на изграденост. Почетната цена на јавното наддавање изнесува 61 денар за метар квадратен. Пријавите за добивање парцела за станбена куќа која треба да биде висока максимум 8,5 метра со каректеристика ( П+1+ПК – приземје кат и поткровје) се доставуваат до 6 јули додекa наддавањето ќе биде два дена подоцна.
Таму веќе минатата година беа пордадени 31 парцела. Од општината тогаш соопштија дека просечната откупна цена за квадратен метар изнесува 64 евра што е речиси двојно наспроти нивните очекувања од 35 евра.
Што се однесува до парцелите за индустриска намена, тие се наоѓаат спроти поранешeн Agrokor или новиот пазар во изградба. Таму се предвидени да се продадат 11 парцели од 279 до 932 квадратни метри по цена од 61 денар за метар квадратен а две парцели во атарот на Муртино се со површина од 2 103 и 2 595 квадратни метри.
Пријавувањето за овие парцели е до 27 јули а јавното наддавање два дена подоцна. Објавата и условите за отуѓување на градежното земјиште во сопственост на Р.М може ги видете ТУКА….(В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
