Младиот шахист од Струмица, Јован Вукашиновиќ го освои прво место во својата рејтинг-категорија на меѓународниот турнир „Трофеј на Врњачка Бања 2026“, кој се одржа на 8 ноември во Србија.
Вукашиновиќ, ученик во шесто одделение во ООУ „Видое Подгорец“ во Струмица, триумфираше во конкуренција на шахисти со рејтинг до 1850 поени.
На турнирот учествуваа 293 шахисти од 40 земји, меѓу кои 19 велемајстори, 29 интермајстори и повеќе од 50 фидемајстори, што го прави резултатот на младиот шахист особено значаен.
Во текот на натпреварувањето, Јован забележа победи и против двајца фидемајстори и двајца интермајстори, шахисти со меѓународни шаховски титули.
Со освоеното прво место, младиот струмичанец оствари значаен меѓународен резултат и го претстави своето училиште и родниот град на меѓународната шаховска сцена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
