Министерот за внатрешни работи Панче Тошковски најави дека системот „Безбеден град“ во првата недела од декември официјално ќе започне да се применува и на подрачјето на СВР Струмица. Паралелно МВР планира да опреми полициските возила со камери што ќе мерат брзина во движење, а на критичните сообраќајни точки ќе поставува и мобилни уреди.
Возачите веќе нема да можат да сметаат дека сообраќајната контрола ги чека само на однапред познатите локации. Министерството за внатрешни работи планира да воведе камери во полициските возила, кои ќе можат да ги откриваат прекршоците и додека полициските автомобили се во движење. Паралелно ќе се набавуваат и мобилни камери за сообраќајниците на кои најчесто се случуваат тешки сообраќајни несреќи.
Ова го најави министерот за внатрешни работи Панче Тошковски, објаснувајќи дека досегашните анализи покажале оти контролата само на однапред определени места не е доволна за да се постигне посакуваниот превентивен ефект.
Според него, возачите треба да бидат свесни дека прекршокот може да биде откриен на која било локација, а не само на местата каде што се поставени фиксни камери.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
