Здружение ВЕРА Струмица во месец октомври упатува порака до јавноста за потребата од поголема свест, разбирање и прифаќање на лицата родени со Даунов синдром. Како што наведуваат во инфорамцијата Октомври е можност уште еднаш да се потсетиме дека лицата со Даунов синдром не треба да бидат гледани низ нивната дијагноза, туку како личности – со свои желби, чувства, способности, таленти и соништа.
„Тие не бараат сожалување. Тие бараат прифаќање, почитување и еднакви можности. Секое дете заслужува да расте во средина во која ќе биде прифатено. Секој млад човек заслужува да биде дел од своето општество. А секој човек со Даунов синдром заслужува да биде виден, слушнат и почитуван“, наведуваат од здружението Вера
Приказната на здружението е тесно поврзана со девојката Верче, која била причината за неговото формирање и преку чија приказна, како што велат, ја научиле важноста на прифаќањето на различностите. Во пораката се нагласува дека инклузијата не треба да биде тема само во одреден месец или на еден симболичен ден, туку секојдневна заложба на целото општество.
„Потребно е секој ден да создаваме општество во кое лицата со Даунов синдром ќе имаат можност да учат, да се дружат, да создаваат, да се развиваат и да бидат активен дел од заедницата“, посочуваат од Здружението.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
