Општина Дојран со поддршка на Министерството за локална самоурапва доби механизација со која се очекува да се подобри одржувањето на јавните површини во оваа туристичко место. Станува збор трактор, хидрауличен мулчер, мулчер со кардан, косилка, приколка и мини багер во вредност од околу 4 милиони денари или 65 илјади евра кои ќе ги добие ЈПКД Полин од Дојран кој се грижи за јавните зелени површини во општината.
„Оваа опрема значително ќе ја олесни работата на комуналното претпријатие и ќе овозможи зголемување на капацитетот за одржување на јавните површини на територијата на целата општина. Механизацијата ќе се користи за расчистување на бујната вегетација покрај главниот пат и кејот, одржување на улиците, како и за косење и уредување на тревните површини во сите населени места во Општина Дојран“, објави градоначалникот на Дојран Илија Тентов
Со оваа инвестиција како што подвлекува првиот човек на општината се создаваат услови за подобри и поефикасни комунални услуги за почиста, поуреден и поубава општина. Апелираше за одговорно одржување и домаќинско користење на новата механизациј аи опрема за како што напиша „во интерес на граѓаните и за подобар Дојран“. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
