Членовите на неформалната група “Back Stage“ и годинава спремаа чварки за посетителите на манифестацијата „Ајверијада“ во Босилово. Но за разлика од претходните, оваа година одлучија овој деликатес да го продаваат за 100 денари од канче а собраните средства да бидат за потребите на црквата „Свети Атанасиј“ во Босилово каде оваа група реализираше повеќе акции. Освен чварки, членовите на на “Back Stage“ приготвуваа и гравче со пушено месо, кое исто така се продаваше на посетителите.
,,Како донација обезбедивме 150 килограми сланина со мевце и во седум тенџериња се пржеа чварките. Сакаме да докажеме дека домашните чварки се многу повкусни за разлика од тие во маркетите. Нашата група брои 12 членови од повеќе населени места плус четири лица кои ни се приклучуваат на акцијата. Тука се и нашите сопруги кои приготвуваат домашни баници, колачиња а ние сме задолжени за месото и тавчето. Оваа година одлучивме чварките и тавчето да не се делат бесплатно, туку да се продаваат по симобилна цена за 100 денари и парите ќе бидат како донација за црквата Свети Атанасиј“, изјави Тони Дедејски од оваа група
Дедејски упати благодарност до повеќе фирми кои ја помогнале нивната акција. (В.Трајков) фото: СтрумицаНет
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
