Смоларскиот водопад до крајот на годината ќе добие платформа од која туристите ќе можат да го набљудуваат. Таа ќе биде метална. Истата требаше да биде монтирана летоска но се чекаше да се заврши асфалтирањето на патот кон водопадот за да може да пристапи изведувачот до локацијата. Вака најави првиот човек на Општина Ново Село Ѓорѓе Божинов откако пред две години старата дрвена платформа на Смоларскиот водопад беше опожарена од несовесни граѓани.
Вкупната инвестиција ќе изнесува околу 900 илјади денари, средства обезбедени од Владата преку унгарскиот кредит.Градоначалникот на Ново Село вели дека изборот на метална, наместо дрвена конструкција е со цел да се обезбеди поголема издржливост и да се спречат нови оштетувања.
Инаку за да се олесни пристапот на механизацијата до самата локација, со поддршка на Светска банка општината целосно го асфалтираше и платото до почетокот на скалите што водат кон Смоларскиот водопад. (M.K.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
