Во Босилово со пари на Европската унија, преку проект со Грција ќе се монтираат систем со термални камери кои ќе сигналираат пожари на депонии за побрза интервенција на противпожарните служби. Во овој дел на државата пожарите на депониите станаа најголем проблем имајки во предвид дека летово постојано струмичките пожарникари и доброволните друштва интервенираа како на Шапкар тка и на депонијата кај Босилово
Системот со термална камера ќе се монитра на општинската зграда. Според тендерската документација таа треба да покирва подрачје со радиус од над 15 километри. Истите ќе сигнализираат чад и пожар на депониите, информација која ќе биде пренасочена и кон одговорните служби за навремена интервнција уште во раната фаза на пожарот.
Како што кажа првиот човек на Центарот за развој на Југоисточниот плански регион, станува збор за камера од проектот FIREDEFEND – „Детекција на пожари и засилена мрежа за итни случаи против пожари за отстранување на отпадот“ од Програмата за прекугранична соработка со Грција, кој го имплементираат Регионалната асоцијација на агенциите за управување со цврст отпад на Централна Македонија (FODSA) од Грција, и Центарот за развој на Југоисточниот плански регион
Проектот FIREDEFEND е насочен кон зајакнување на прекуграничната соработка меѓу Македонија и Грција во областа на превенцијата и раното откривање на пожари, заштитата на животната средина и справувањето со ризиците поврзани со несоодветното управување со отпадот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
