На појасот меѓу Колешинскиот и Смоларскиот водопад на планината Беласица ќе никнат две викенд населби. Едната се наоѓа кај Мокрино каде лани беа продадени 21 парцела, додека летово беа продадени 10 кај Смоларе и 3 кај Мокрино
,, Огромен беше интересот за купување парцела за викенд куќи. Колку за илустрација на последната лицитација беше постигната цена од 1 730 денари за метар квадратени а од 13 те парцели општината инкасира околу 5,7 милиони денари кои пари ќе се реинвестираат во инфраструктурата“, кажа градоначалникот на Ново Село Ѓорѓе Божинов
Викенд населбата кај Мокрино веќе има патна инфраструктура и улично. Таму веќе се подигнати и одобренијата за градба. Божинов кажа дека идната година кај Смоларе ќе има уште една населба со 20 тина парцели
,, Следната година планираме да продадеме уште 20 парцели за викенд населбата кај Смоларе. Со изградбата на типските куќи ќе имаме поголема понуда од сместувачки капацитети“, кажа градоначалникот Божинов
Градоначалникот Ѓорѓе Божинов кажа дека годишно водопадите и природните убавини на Беласица ги посетуваат околу 15 илјади гости од земјава и странство.( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
