Валандово, Гевгелија, Василево, Конче и Струмица со највисока оценка за активна транспарентност

1463

Активната транспарентност на општините од Југоистокот континуирано се подобрува од година во година. Ова е заклучокот на Центарот за граѓански комуникации кој веќе неколку години ги следи јавните институции колку на своја рака објавуваат информации, документи, соопштенија за својата работа кон граѓаните. Според Центарот, ова година општините од  Југоисточниот регион се на втората позиција по активна транспарентност, подобрувајки се како регион за цели  5 проценти поени.

Најдобро рангирана општина по активна транспарентност е  Валандово. Таа во 2018 година беше на последното место во регионот, но во последните три години постојано ја подобрува својата активна транспарентност, односно објавува информации во интерес на заедницата. За три години, процентот на исполнетост на обврските за објавување јавни информации на оваа општина порасна од 59 % на 94 %, а општината е на петтото место и во вкупното рангирање во земјава.

Некогашниот лидер во регионот општина Гевгелија по ланскиот пад на четвртото
место, сега повторно се искачи на втората позиција по активна транаспаретност. Трета општина од Југоистокот која ги објавува сите јавни информации е Василево која исто така прави пробив на табелата за активна транспарентност.  Четврта според рангирањето на Центарот е општина Конче која прави огромен скок – од последната позиција лани, сега се искачи четвртото место, подобрувајќи ја својата активна транспарентност за фантастични 60 процентни поени, односно од 23 % лани на 83 % годинава.

Петта општина која самоиницијативно ги објавува информациите од своето работење е општина Струмица која од втората падна на петата позиција. Шеста општина е Богданци која има добра активна транспарентност по што следуваат општините  Ново Село, Босилово и Дојран.

Под ’активна транспарентност‘ се подразбира објавувањето информации на
сопствена иницијатива на институциите односно општините , без притоа некој да има доставено до нив барање за пристап до тие информации.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.