Вкупно 105 возила беа изложени на собирот за ретро возила во Струмица од сите краишта на Македонија но и од соседна Србија и Бугарија. Имаше модели на мерцедес, фолсфаген, застава, фиат, опел, рено, порше, шкода стари над 30 години а имаше и такви кои беа стари и по 50 тина години. Дел од возилата преку фотографии може да се видат ТУКА.
Настанот беше во организација Струмица Ретро Клуб со поддршка на повеќе компании и Општина Струмица кој имаше за цел да прикаже дел од историјата на авто мото индустријата . Како што соопшти Ване Терзиски од клубот, во Струмица има голем број љубители на ретро возила но и сопственици кои сеуште одржуваат стари возила дел од нив во возна состојба други ги чуваат во гаражите од љубов како белег на едно време.
На саемот дојде и првиот човек на општината Петар Јанков кој за Дрнка МК кажа дека е љубител на возилата на BMW. Му го привлече моделот 635 csi од 1983 година во сопственост на Димитар Стоилков од Струмица во кој седна и го запали возилото.
Дел од возилата може да се видат и ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
