Зачестија пожарите на отворено, вчера и денес гореше во атарите на две села во струмичко, има штети и на лозови насади

1117

Заради високите температури и сушниот период, зачестија пожарите на отворено во струмичко, кои најверојатно се поради човечко невнимание или предизвикани со намера. Вчера и денеска како што објавија струмичките пожарникари во атарите на населените места Водоча и Баница изгореле околу 2 хектари сува трева, грмушки но штети имало и на лозови насади кои биле во непосредна близина.

Вчера околу 14 часот избувнал пожар во атарот на струмичкото село Водоча каде интервенирала ТППЕ од Струмица со три возила и шест пожарникари. Била запалена сува трева, грмушки и лозови насади на површина од оклу 1 хектар. Пожарот бил локализира и ликвидиран.

Вечерва пак околу 19 часот и 30 минути, пожар избувнал и во атарот на населеното место Баница каде била запалена сува трева и грмушки на околу еден хектар. Струмичката противпожарна единица интервенирала со две возила и пет пожарникари  и успеале да го ликвидираат околу 21 часот и 30 минути

Надлежните апелираат да не се фрлаат отпушоци или пак да не се пали сува трева по атарите на населените места, бидејки заради сушниот период тој набрзина се шири и можно е да предизвика штети и кај земјоделските посеви.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.