Регулаторната комисија за енергетика донесе одлука бензините да поевтинат за седум денари по литар, па новата цена за Еуросупер БС-95 изнесува 86 денари, а на БС-98 ќе биде 88 денари за литар.
Дизелот поевтинува за 5,5 денари и ќе се продава по 94,5 денари за литар, додека екстра лесното масло за домаќинство се намалува за 6,5 денари, на 103,5 денари за литар. Поевтинува и мазутот, за 6,26 денари по килограм, на 49,31 денар.
Намалувањето на цените е резултат на падот на берзанските цени на нафтените деривати, понискиот курс на доларот, но и владините мерки за намалување на акцизите за бензините и дизелот. За бензините акцизата е намалена за два денара, а за дизелот за четири денари по литар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
