Општина Дојран ја започна постапката за реализација на нов инфраструктурен проект кој ќе ја подобри пристапноста до плажата во населеното место Николиќ што ќе овозможи и проширување на туристичките содржини на општината. Градоначалникот на Дојран Илија Тентов објави дека деновиве се изршило увид на терен за да се разгледа трасата за нов пат со пешачка патека до оваа плажа.
„Со реализацијата на овој проект ќе се овозможи побезбеден и полесен пристап до плажата, подобрување на туристичката инфраструктура и создавање подобри услови како за локалното население, така и за сите посетителите. Продолжуваме посветено да работиме на унапредување на инфраструктурата и развој на Општина Дојран, со цел подобар квалитет на живот и поатрактивна туристичка понуда“, објави градоначалникот на Дојран Илија Тентов
Плажата кај селото Николиќ важи за една од поубавите покрај Дојранското Езеро. Таа пред неколку години имаше и концесионер, беше уредувана и стана доста атрактивна за посетителите. Имаше лежалки, бар, но и песочна плажа. Своевремена таа беше уредувана и преку Центарот за развој на Југоисточниот плански регион.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
