Општина Струмица информираше дека во организација на Фондацијата Институт за социо-економски развој „Академија ABC“ – Струмица а во рамките на програмата „Welcome to Macedonia“, градоначалникот Петар Јанков бил домаќин на амбасадорите на Народна Република Кина и Црна Гора, како и на почесниот конзул на Република Перу во нашава земја, нивните екселенции Џианг Сјаојен, Зоран Миљаниќ и Ненад Јаниќевиќ.
Како што наведуваат од општинската ПР служба, на средбата биле презентирани економските и инвестициските потенцијали на општината, земјоделството и прехранбената индустрија, културното и историското наследство, Струмичкиот карневал, туристичките можности, како и современите развојни приоритети на Струмица поврзани со инфраструктурата, зелената агенда, дигитализацијата и примената на вештачката интелигенција
„Посебен акцент беше ставен на можностите за воспоставување и продлабочување на меѓународната соработка во повеќе области – економија и инвестиции, земјоделство и современи технологии, култура и образование, туризам, зелени технологии, дигитализација и вештачка интелигенција, како и соработка на локално ниво и заедничко аплицирање и користење на европски и други меѓународни фондови“, стои во информацијата на Општина Струмица доставена до медиумите
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
