„Мобилниот може да почека – животот не!“, средношколци од „Никола Карев“ Струмица со пораки и решенија за побезбеден сообраќај

81

Учениците од сообраќајната струка при ДСУ РЦСОО „Никола Карев“ – Струмица реализираа едукативни активности по повод Неделата на безбедноста во сообраќајот, при што презентираа резултати од нивни истражувања но и понудија конкрентни решенија.

Во училиштето и во Младинскиот центар во Струмица тие презентираа истражувања и анализи на теми поврзани со сообраќајната безбедност, меѓу кои „Мобилниот може да почека – животот не!“. Беа презентирани истражувања за состојбата со паркирањето и безбедноста на пешаците, иновациите во сообраќајот, како и анализа на бројот и структурата на возилата што поминуваат низ струмичка крстосница.

Средношколците имаа можност не само да го покажат стекнатото знаење, туку и да укажат на конкретни проблеми и можни решенија за побезбеден сообраќај во градот.Активностите завршија со едукативен квиз на Kahoot, а најуспешниот учесник доби награда.

Од училиштето се заблагодарија на учениците за ангажманот и на Општина Струмица за поддршката и гостопримството во Младинскиот центар.Преку овие активности младите испратија јасна порака дека вниманието и одговорноста во сообраќајот можат да спасат човечки животи.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.