Вероника Гавровска ученичка во 8-мо одделение од ООУ „Гоце Делчев“ Босилово со ментор Весна Тилева, е добитник на Гран при наградата на 59-тите Детски Рацинови средби кои се одржаа во Велес. Таа ја доби наградата за темата за литаратурни творби „Моето и Рациновото подобро утре“.

Двата конкурса на Детските Рацинови средби беа меѓународни и освен уечници од средно и основно образование од Македонија, учествуваа и деца од училишта кои посетуваат македонска настава во земјите каде има македонци, Словенија, Хрватска, Србија, Шведска, Германија.

Организатор на Детските Рацинови средби во Велес е градската библиотека „Гоце Делчев“ која во салата „Бели Мугри“по 59-ти пат собра млади поети од повеќе градови во државата и талентирани ликовни уметници, кои ги претставија своите творби на поетскиот и ликовниот конкурс. (В.Трајков)


























