Земјоделци од струмичко и радовишко ги почнаа обуките за да добијат опрема од 5 илјади евра за примена на агроеколошки мерки

1049

Вкупно 50 градинари и овоштари од струмичко радовишкиот регион ќе добијат опрема во висина од 300 илјади денари или 5 илјади евра за современо земјоделско производств во рамките на проектот за управување со сливот на река Струмица што го спроведува УНДП во партнерство со Центарот за развој на Југоисточниот плански регион а е финансиран од Швајцарската агенција за развој и соработка.

Станува збор за трет циклус на грантови за кои 80 градинари и овоштари ќе следат специјализирани обуки за земјоделско производство за примена на агроеколошки мерки со цел да не се загадува почвата и реката Струмица. Преку тестирање на кандидатите најдобрите 50 тина однонсно 30 градинари и 20 овоштари ќе бидат грантирани во опрема и материјали потребни за примена на предвидените агроеколошки мерки во висина од 300 илјади денари.

Спроведувањето на активностите за воведување на современи, агроеколошките мерки има за цел зголемување на конкурентноста на земјоделското производство во регионо и намалување на неговото влијание врз животната средина.

Досега преку ова програма на УНДП односно од двата објавни повика околу 80 градинари и овоштари од Струмица и Радовиш добија опрема и матријали со кои ќе применуваат агроеколошки мерки за поквалитетно земјоделско производство

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.