Конче во соработка со УНДП набави нов трактор со приколка и 860 канти за отпад кои ќе бидат бесплатно доделени на секое домакинство

2866

Општина Конче во соработка со УНДП преку проектот “Подобрување на општинските услуги” обезбеди 860 канти за отпад за секое домаќинство кои ќе ги добијат бесплатно. Паралелно со овој проект набави и нов трактор со приколка за организирано собирање на отпадот од домаќинствата од ова општина. Станува збор за проект кој го финансираше УНДП во висина од 26.000 евра а општина Конче обезбеди 7.000 евра.

,, Со овој проект се обидуваме да ја подигнеме свеста за поголема чистота во нашата општина и да не се фрла ѓубре насекаде. Престојниот период речиси секое домаќинство ќе добие бесплатно корпа за отпад за да можеме да пристапиме кон организирано собирање и соодветно депонирање за што го набавивме и тракторот со приколка.  Очекуваме значително да се подобри сликата со јавната чистота што е наша приоритетна цел,, кажаа од општината.

ЈКП ,,Лакавица” наскоро ќе формира посебна екипа која организирано секојдневно по однапред утврден редослед ќе го собира отпадот од домаќинствата со што ќе се спречи загадувањето на околината и појава на диви депонии.

Со набавката на корпите и тракторот за организирано собирање, општината најавува и зачестени контроли на комуналната инспекција со цел да се стопира неконтролираното фрлање отпад насекаде.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.