Фолклорниот ансамбл „Цветови“ од Дедино Општина Конче ја понесе првата награда за најкомплетна и најоригинална изворна народна носија на годинашново 26 тото издание „Илинденски денови“ во Битола. На ова манифестација која траеше повеќе денови учествуваа 35 ансамбли и фолклорни групи со над 1300 учесници кои го презентираа својот фолклор, песна и игра.
Жири комисијата во состав д-р Владимир Јаневски, д-р Родна Величковска, д-р Мирјана Мирчевска, д-р Беким Рамадани и доцент м-р Кристијан Николовски на седницата одржана на 30 јули ги додели наградите најуспешните фолклорни групи, културно-уметнички друштва, ансамбли и поединци.
За најуспешна група што презентираше традиционална музика и игра беше прогласена женската група “Теута“ од Тетово. За најуспешна група што презентираше староградска музика и игра беше прогласен ансамбл “Вања Лазрова” од Скопје. За нови содржини испирирани од изворните е прогласен ансамблот “Орце Николов“ од Скопје. За најуспешна вокална извидба е изведбата на Марија Добриновска од КУД “Јане Сандански“ од Неготино. За ансамбл со најкомплетна изворна носија е ансамбло “Цветови“ од Дедино.
„Ова признание е потврда дека нашата посветеност кон зачувувањето на изворниот македонски фолклор, народната носија и традицијата е препознаена и високо вреднувана.Особено сме горди што дел од ова богато културно наследство е и нашата носија, која со својата автентичност и убавина продолжува достоинствено да го претставува нашето село.Благодарност до сите членови, соработници и поддржувачи кои со љубов и посветеност придонесуваат традицијата да живее!“, објавија од ансамблот (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
