Во Дојран состанок за изградба на патека до Фронтовата линија од Првата светска војна – формирано координативно тело (фото)

2871

Општинските власти на Дојран имаат намера фронтовата линија од Првата светска војна над Дојран да ја прават туристичка дестинација бидејки се поголем е интересот на странските туристи за линијата каде што се бореле силите на Антантата предовдени од Англичаните и Французите и Централните сили предводени од Германија, Австро-Унгарија и Бугарија во периодот од 1915 до 1918 година. Во организација на градоначалникот Анго Ангов денеска во Дојран, се одржа состанок со преставници на амбасадите од Франција и Бугарија, преставници од министерството за одбрана, воениот и струмичкиот музеј но и преставници од граѓански здруженија со цел  да се најде начин како ова линија биде достапна за посетители.

,,Целта на состанокот беше да се стави во употреба за туристички цели, патеката од Првата светска војна, односно да се приспособи дел од Дојранскиот фронт и да се понуди како дополнителна туристичка атракција на потенцијалните заинтересирани домашни и странски туристи. Идејата е да се оплемени дел од патеката, да се разработи стратегија и конечно фронтовата линија да започне да функционира како вистинска туристичка атракција, со одобрение од општината и со лиценцирани и обучени туристички водичи,, ни изјави градоначалникот на Дојран – Анго Ангов кој со гостите беше во посета и во музејот од Првата светска војна во ова туристичко место.

На состанокот била донесена одлука да се формира координативно тело со претставници од амбасадите, музеите и општината и наредниот период интензивно да се аплицира за средства од најразлични фондови и да се работи на ставање во функција на патеката од Првата светска војна каде има голем број бункери и ровови.

Инаку над Дојран токму на Фронтовата линија се наоѓа Фердинандовата чешма кој е воен споменик изграден од бугарската армија во 1916 година за време на Првата светска војна.  Во близина на чешмата се наоѓа спомен плоча на паднатите војници од 22 англиска Дивизија и бункерите на Кала Тепе.

Фото:Анго Ангов- Градоначалник на Општина Дојран и СЕЌАВАЊЕ НА МАКЕДОНСКИОТ ФРОНТ ЗА ВРЕМЕ НА ПРВАТА СВЕТСКА ВОЈНА 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.