Градоначалниците од Југоистокот донесоа одлука за формирање на регионално Јавно претпријатие кое ќе управува со стационарите за кучињата скитници и ќе врши заловување, транспортирање и хумано третирање на бездомните животни од сите десет општини од овој дел ан државата. Одлуката доаѓа откако во Струмица се изгради и опреми стационар за потребите на струмичко-радовишкиот регион а наскоро треба да започне и изградбата на стационарот во Валандово за потребите на гевгелиско-валандовскиот регион.
,, Одлучивме да биде регионално Јавно претпријатие кое ќе се формира врз база на меѓуопштинска соработка, бидјеки тоа е регионален проект. За почеток ќе функционира само со стационарот во Струмица, но ќе биде задолжен да го изгради и вторито стационар во Валандово. Прифатниот центар во Струмица е готов, опремен а паралелно се набавени и возила кои ќе вршат заловување а вториот сеуште е во почетна фаза’’, рече претседателот Коста Јаневски кој истакна дека во наредниот период ќе се собира сета потребна документација за регистрација на новиот правен субјект.
Средствата за изградба на двата стационара и набавка на возилата во висина од 20 милиони денари беа обезбедени од Бирото за регионален развој при Минситерството за локална самоуправа но и од Буџетите на десетте општини. Преку УНДП беше опремен стационарот во Струмица а беше изготвена и студијата за управување со центрите. Југоистокот е прв регион во државата кој заеднички се обидува да го реши проблемот со кучињата скитници. Досега општините ангажираа приватни фирми и плаќаа од 8 до 10 илјади денари за заловување и хумано третирање за едно бездомно куче.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
